Manx language archives - wax cylinder recordings - Part of the Evening Prayer in Manx read by John Nelson

Uploaded on 1 Feb 2017

Part of the Evening Prayer in Manx, read by John Nelson, November 1906.

This recording was made on an Edison Phonograph machine purchased by Yn Cheshaght Ghailckagh for the purpose of recording speakers of the Manx language. This is one of six recordings that came to The Manx Museum from Douglas Library in 1955. The recordings were digitised with the help of The British Library in 2016. The sound quality is typical of a wax cylinder recording of this age, it is best listened to on good quality speakers or headphones.


The Lord's Prayer.

Ayr ain, t’ayns niau,
Casherick dy row dt’ Ennym, 
Dy jig dty reeriaght,. 
Dt’ aigney dy row jeant er y thalloo, myr te ayns niau;
Cur dooin nyn arran jiu as gagh laa,
As leih dooin nyn loghtyn, myr ta shin leih dauesyn ta jannoo loghtyn nyn ’oi,
As ny leeid shin ayns miolagh; Agh livrey shin veih olk.

O Hiarn, soilshee dty vyghin orrin;
As giall dooin dty haualtys.
O Hiarn, saue yn Ree;
As dy myghinagh clasht rooin tra ta shin geamagh ort.
Coamree dty Hirveishee lesh cairys;
As jean dty phobble reiht gerjoil.
O Hiarn, saue dty phobble;
As bannee dt’ eiraght.
Cur shee ’sy traa ain, O Hiarn;
Er-y-fa nagh vel fer erbee elley ta caggey er nyn son, agh uss dy-lomarcan, O Yee.
O Yee, jean glen ny creeaghyn ain er cheu-sthie j’in;
As ny gow dty Spyrryd Casherick voïn.

Soilshee yn dorraghys ain, ta shin guee ort, O Hiarn; as jeh dty vyghin vooar freill shin veih dy chooilley ghaue as danjeyr jeh’n oie shoh, er graih dty Vac ynrycan nyn Saualtagh Yeesey Creest. Amen. 

Yee Ooilley-niartal, t’er choyrt dooinyn grayse ec y traa shoh, lesh un aigney dy yannoo nyn aghinyn cadjin hoods; as t’ou gialdyn, tra ta ghaa ny three er nyn jaglym cooidjagh ayns dt’ Ennym’s, dy der uss dauesyn nyn aghinyn: Cooilleen nish, O Hiarn, yeearreeyn as accanyn dty harvaantyn, myr smoo hee uss ymmyrchagh er nyn son; gialdyn dooin ’sy theihll shoh tushtey jeh dt’ irriney, as ayns y theihll ta ry heet yn vea dy bragh farraghtyn. Amen. 

Grayse nyn Jiarn Yeesey Creest, as graih Yee, as sheshaght gherjoil y Spyrryd Noo, dy row mârin ooilley er son dy bragh. Amen.

Read by John Nelson, Ramsey, November nineteen-hundred and six.

Find out more about Manx National Heritage.


More like this