Episodes
Ta Daniel Quayle ayns shoh reesht cur fys dooin mychione kiaull as kiaulleyderyn, ny t'ad dy yannoo as mychione kuse dy recortyssyn noa-chlouit oc, as shoh ayns y chlaare echey, 'Kiaull as Cooish'. Ta episode elley jeh'n chyndaays 'sy Ghaelg jeh Dracula, yn lioar ard-ghooagh shen va scruit ec Bram Stoker as fys ec yn chooid smoo dy leih urree, foddee, veih ymmodee fillymyn jeant neayr's va'n lioar hene clouit. Ta shin clashtyn episodeyn dagh shiaghtin ayns 'Claare ny Gael'.
Daniel Quayle is here again giving us information about music and musicians, what they're doing as about some of thei...
Shiaghtin ghiare 'sy Ghaelg reesht ee, agh ta caa dooin clashtyn fer jeh ny arraneyn ennoil va scruit son Mooinjer Veggey as vees ry gheddyn 'sy chaglym, Roie Mygeayrt. Ta Phil Gawne soilshaghey magh dooin ny fockleyn as ta shin clashtyn yn arrane hene ayns 'Goll as Gaccan'. Ayns meer elley ass Dracula liorish Bram Stoker, ta Mina Harker feddyn magh veih'n Olloo Van Helsing dy vel dy jarroo reddyn dorraghey 'sy theihll jeh'n lheid ren ee lhaih ayns lioar laa y dooinney sheshey eck, Jonathan, veih'n traa v'eh ayns Cashtal Dracula.
It's a short week in Manx again, but we have an opportunity ...
Ga dy vel Radio Vannin goaill stiagh meeryn 'sy Ghaelg ooilley yn traa, cha row monney meeryn s'lhiurey er y chiaghtin shoh chaie - veg, dy jarroo, agh episode elley jeh Dracula liorish Bram Stoker 'sy chyndaays 'sy Ghaelg vees ry chlashtyn ayns 'Claare ny Gael'. Cha row 'Traa dy Liooar' ny 'Kiaull as Cooish' goll er coontey Radio TT, cha nel 'Shiaght Laa' goll ec y traa t'ayn, as cha row meer er-lheh 'sy Ghaelg ayns 'Goll as Gaccan', myr shoh son dhooraght ta shin clashtyn recortys jeant jeh Ned Maddrell 'sy thie echey tra v'eh 84 bleeaney dy eash (ec y toshiaght t'eh jannoo marran, gra dy...
Er yn chiaghtin va'n Cohaglym Celtiagh Eddyr-Ashoonagh goll er cummal ayns Nerin, agh gyn chaghter Vannin y cheayrt shoh. Ny yeih, va recortys jeant jeh lessoon ass y Vible son shirveish, as ta shin clashtyn shen. Ayns 'Kiaull as Cooish', she'n kiaull ta'n chooish vees Daniel Quayle cheet er son y chooid smoo choud's t'eh loayrt mychione kiaull noa-chlouit as mychione ny kiaulleyderyn hene. 'Sy chyndaays ain 'sy Ghaelg jeh Dracula liorish Bram Stoker ayns 'Claare ny Gael', ta shin clashtyn meer ass pabyr naight ayns Lunnin, as eisht ta chaghteraghtyn goll eddyr yn Olloo Van Helsing as Mina ...
Ta Daniel Quayle ginsh dooin mychione recortyssyn noa as ny cloiederyn ocsyn v'ad jeant son y chooid smoo ayns 'Kiaull as Cooish'. Er y gherrid va co-haglym feer vie bentyn da glare as y co-voodeeys ayns Ellan Vannin reaghit ec yn Dr Chris Lewin. Mastey ny loayrtee va'n Dr Ben O'Ceallaigh, as ayns 'Goll as Gaccan' v'eh loayrt rish Phil Gawne 'sy Ghaelg. Ta shin fosley ny duillagyn jeh chyndaays 'sy Ghaelg jeh Dracula liorish Bram Stoker ayns 'Claare ny Gael' son episode elley ass yn lioar ard-ghooagh shen.
Daniel Quayle tells us about new recordings and the musicians by whom they've been m...
Ta Daniel Quayle ginsh dooin ooilley mychione ny possanyn ta clou recortyssyn noa jeh kiaull tradishoonagh ec y traa t'ayn, as kuse dy henn reih-charryn neesht, as paart dy chiaull elley neesht, ayns 'Kiaull as Cooish'. Ta Simon Clarke marish Phil Gawne reesht son 'Goll as Gaccan'. Ayns 'Claare ny Gael' ta shin mysh yn lieh-raad trooid yn lioar ard-ghooagh, Dracula, scruit ec Bram Stoker, agh ayns chyndaays 'sy Ghaelg.
Daniel Quayle is telling us all about the groups who are publishing new recordings of traditional music at the present time, and several old favourite tunes as well, and som...
Ta keayrtagh ec Daniel Quayle ayns 'Kiaull as Cooish' reesht, y cheayrt shoh dy loayrt mychione y chiaull t'ee cloie as t'ee cummey neesht. Va'n Cheshaght Ghaelgagh jeean dy ghreinnaghey sleih dy loayrt yn Ghaelg liorish cur ad fo loo, myr ta shin clashtyn ayns 'Goll as Gaccan' marish Phil Gawne. 'Sy chyndaays ain 'sy Ghaelg jeh Dracula liorish Bram Stoker, ta Lucy Westenra er n'gheddyn baase as t'ee er chee ve oanluckit, myr ta shin clashtyn ayns 'Claare ny Gael'.
Daniel Quayle has a visitor in 'Kiaull as Cooish' again, this time to talk about the music that she plays and that she compose...
Va keayrtagh loayrt rish Daniel Quayle ayns 'Kiaull as Cooish' yn chiaghtin shoh, as ta shin feddyn magh mychione co-haglym symoil vees ayn dy gerrid. Ta shin jeeaghyn reesht er episode elley ass Dracula liorish Bram Stoker ayns 'Claare ny Gael'.
There was a guest talking with Daniel Quayle in 'Kiaull as Cooish' this week, and we find out about an interesting conference that will be held shortly. We are looking again at another episode from Dracula by Bram Stoker in 'Claare ny Gael'.
Ta claare Daniel Quayle, 'Kiaull as Cooish', jeeraghey ny smoo er kiaull noa 'sy chummey noa eck, agh fod mayd eaishtagh foast rish meeryn as cooishyn cadjin erbee elley goll er imraa ec Daniel - as shen yn aght ayns shoh. Ayns 'Goll as Gaccan', va Phil Gawne as Simon Clarke jerkal rish goaldee 'sy teyrlann, agh atreih, cha row Paul Rogers ayns slaynt vie, as myr shoh v'eh sthie marish e ven, Anna, as va coloayrtys er y chellvane eddyr ooilley yn chiare jeu, as veih shen ta shin clashtyn co-chiaull yn arrane scruit ec Paul, son Oie Voaldyn, as lurg shen ta shin clashtyn y clane arrane, as P...
Ta meeryn ass daa chlaare reesht er-nyn-son. Hoshiaght ta shin chlashtyn Daniel Quayle as yn chlaare echey, 'Kiaull as Cooish', jeant eddyr y BBC as Radio Vannin, as vees goll er skeayley-magh fastyr Jeheiney eddyr 5pm as 6pm er Radio Vannin AM1368. Eaisht ta shin clashtyn paart jeh skeeal ass 'Claare ny Gael', vees ry chlashtyn fastyr beg Jedoonee veih 6pm gys 7pm, as aynjee ta shin clashtyn episodeyn ass Dracula liorish Bram Stoker.
There are pieces out of two programmes for us again. First we hear Daniel Quayle as his programme, 'Kiaull as Cooish', a co-production of the BBC and Manx Ra...
Ta shin goaill toshiaght lesh 'Kiaull as Cooish', as cha nel Daniel Quayle ny lomarcan y cheayrt shoh. Cha nel reddyn jeeaghyn dy ve goll ro vie ec Lucy Westenra 'sy chyndaays ain 'sy Ghaelg jeh Dracula liorish Bram Stoker, vees ry chlashtyn ayns 'Claare ny Gael'.
We begin with 'Kiaull as Cooish', and Daniel Quayle isn't alone this time. Things don't appear to be going too well for Lucy Westenra in our translation into the Manx Gaelic of Dracula by Bram Stoker, which is to be heard in 'Claare ny Gael'.
Ta three claareyn er-nyn-son y cheayrt shoh, as hoshiaght ta shin cur cleaysh da 'Kiaull as Cooish', ta'n ennym noa er claare jeant eddyr y BBC as Radio Vannin fastyr Jeheiney, as nish ta Daniel Quayle er chur e chummey hene urree, as t'eh cur cuirrey orrin dy ghoaill ayrn marish 'sy chlaare. Ta shin clashtyn kuse dy Ghaelgeyryn aegey ayns 'Goll as Gaccan', lesh recortyssyn jeant ec Phil Gawne as ta Simon Clarke reaghey dy chloie ad 'sy teyrlann. Ayns 'Claare ny Gael' ta episode elley ain jeh Dracula liorish Bram Stoker ayns chyndaays 'sy Ghaelg.
There are three programmes for us this time...
Ga nagh vel meeryn ry chlashtyn ayns shoh ass 'Traa dy Liooar' (claare vees jeant fastyr Jelune eddyr yn BBC as Radio Vannin) ny ass 'Goll as Gaccan' y cheayrt shoh, t'adsyn, myr ymmodee claareyn elley, ry chlashtyn rish shiaghtin lurg daue goll er skeayley-magh trooid ynnyd eggey Radio Vannin, Er Aggyrt.
Y cheayrt shoh ta shin clashtyn Daniel Quayle, as eh cur feyshtyn orrin ayns 'Jamys Jeheiney' (claare elley ee vees goll er jannoo eddyr yn BBC as Radio Vannin) as episode elley jeh chyndaays 'sy Ghaelg jeh Dracula, as shen ry chlashtyn, shiaghtin er shiaghtin, ayns 'Claare ny Gael'.
Al...
Ayns 'Jamys Jeheiney' ta Daniel Quayle er n'aarlaghey y gamman Kianglaghyn Kiaullee reesht er-nyn-son - cre oddys y kiangley y ve ayns claare vees goll er skeayley-magh Laa'l Pharick? Cha nel meer er-lheh 'sy Ghaelg ass 'Goll as Gaccan' er-nyn-son y cheayrt shoh, myr shoh ta shin goll dy jeeragh gys episode elley ass Dracula liorish Bram Stoker 'sy chyndaays ain 'sy Ghaelg, as vees ry chlashtyn ayns 'Claare ny Gael'.
In 'Jamys Jeheiney' Daniel Quayle has prepared the game Kianglaghyn Kiaullee (Musical Connections) again for us - what can the connection be in a programme which is being bro...
Beggan anmagh, agh share anmagh na arragh, foddee! Agh son shen as ooilley, cha nel agh meeryn ass daa chlaare ain y cheayrt shoh. Cha nel shin dy cadjin clashtyn veg ass 'Traa dy Liooar', claare jeant eddyr yn BBC as Radio Vannin, vees goll er skeayley-magh er Radio Vannin AM1368 fastyr Jelune eddyr 5.00pm as 6.00pm, as cha nel 'Shiaght Laa' goll ec y traa t'ayn. Chammah's shen, cha row meer er-lheh 'sy Ghaelg ayns 'Goll as Gaccan' fastyr Jedoonee eddyr 4.00pm as 6.00pm. Agh ta Daniel Quayle cur doolane foin lesh Kianglaghyn Kiaullee ayns 'Jamys Jeheiney', as claare elley ee jeant eddyr yn...
Ta Daniel Quayle cur doolane foin lesh un ghamman y cheayrt shoh ayns 'Jamys Jeheiney', as she Kianglaghyn Kiaullee ta ry chlashtyn, lesh three arraneyn 'sy ghamman shen. Ta arrane er-nyn-son ayns 'Goll as Gaccan' neesht, fer jeusyn va reaghit son Mooinjer Veggey, as ta Phil Gawne soilshaghey magh ny fockleyn da Simon Clarke 'sy teyrlann as dooinyn ayns nyn dhieyn hene. 'Sy veer ain jeh'n chyndaays 'sy Ghaelg jeh Dracula ayns 'Claare ny Gael', ta'n Fer Lhee John Seward as yn Olloo Van Helsing boirit mychione Lucy Westenra, as t'ad er hiyraghey gys y thie eck. Agh cha nel freggyrt erbee ry g...
Shoh yn chlaare s'jerree 'sy straih shoh jeh 'Shiaght Laa', as she Fiona McArdle vees dy chebbal. Ta Daniel Quayle cur cuirrey er sleih freggyrtyn y chur stiagh da ny gammanyn echey, Cre'n Vlein? as Kianglaghyn Kiaullee ayns 'Jamys Jeheiney'. Ayns 'Goll as Gaccan' ta shin clashtyn shenn raaghyn creeney vees goll er lhaih magh ec Phil Gawne as eisht ta shin clashtyn arrane jeant son Mooinjer Veggey as ta Phil goll trooid ny fockleyn er-nyn-son. Ta meer elley ass yn chyndaays 'sy Ghaelg jeh Dracula liorish Bram Stoker ayns 'Claare ny Gael'.
This is the final programme in this series of 'Shia...
She Maralyn Crellin vees chebbal 'Shiaght Laa' er-nyn-son y cheayrt shoh. Ta Daniel Quayle ny lomarcan 'sy teyrlann choud's t'eh chebbal 'Jamys Jeheiney' yn shiaghtin shoh, agh ta daa ghamman echey as cuirrey er sleih goaill ayrn ayndaue. Ayns 'Goll as Gaccan' ta shin clashtyn bit beg elley jeh oraid Adrian Cain tra v'eh lhunney chyndaays 'sy Ghaelg jeh lioar liorish Tom Palmer, as ta arrane 'sy Ghaelg ry chlashtyn neesht, as ta Phil Gawne goll trooid ny fockleyn er-nyn-son. Ta chaghteraght cheet dy anmagh son yn Er Lhee John Seward veih'n charrey as shenn vainshtyr echey, yn Olloo Van Hels...
Ayns 'Shiaght Laa' ta shin clashtyn mychione Fiona McArdle cheet dy ve Reih Bleeaney Vanannan as mychione yn aght ta schleiyn ass tradishoonyn elley cheet as goll ayns cultoor bio. Cha nel Daniel Quayle ny lomarcan y cheayrt shoh ayns 'Jamys Jeheiney', agh ta shin foast cloie daa ghamman marish. Shiaghtin ny ghaa er dy henney, ren Adrian Cain lhunney yn chyndaays echey 'sy Ghaelg jeh lioar liorish Tom Palmer. Ta shin clashtyn tooilley jeh shen ayns 'Goll as Gaccan'. Ass lioar elley, Dracula liorish Bram Stoker, as ayns chyndaays 'sy Ghaelg j'ee neesht, ayns 'Claare ny Gael' ta shin clashtyn...
She Fiona McArdle vees chebbal 'Shiaght Laa' yn shiaghtin shoh, choud's ta Daniel Quayle 'sy teyrlann keayrt elley dy hebbal 'Jamys Jeheiney', lesh daa ghamman er-nyn-son. She Custal Lewin ta keayrtagh Phil Gawne as va coloayrtys liauyr as feer anaasagh eddyr oc, agh veg agh faaishnys ny hemshyr 'sy Ghaelg, myr shoh er oaie gys 'Claare ny Gael', aynjee ta shin clashtyn foddee nagh vel y freilleyder gennal ayns ny Garagheyn Baagh-Oayllagh, Thomas Bilder, cho gennal as v'eh jeeaghyn dy ve, agh ta shin clashtyn mychione scapail y voddey oaldey lheeah ass yn Norlann, Bersicker, as mychione yn d...
Mastey ny meeryn ass 'Shiaght Laa', ta Maralyn Crellin ginsh dooin beggan mychione ennym y valley beg cheerey, Purt Chiarn. Ta caa dooin cloie Kianglaghyn Kiaullee as Cre'n Vlein? marish Daniel Quayle ayns 'Jamys Jeheiney'. Chammah's coraa Phil Gawne y cheayrt shoh ayns 'Goll as Gaccan', ta shin clashtyn Adrian Cain as eh loayrt mychione lioar t'eh kiart er hyndaa. Ta moir Lucy Westenra smooinaghtyn dy row ee cooney lesh e 'neen, agh ta'n Olloo Van Helsing boirit dy mooar, as ta'n meer shoh jeh chyndaays 'sy Ghaelg jeh Dracula liorish Bram Stoker vees ry chlashtyn ayns 'Claare ny Gael'.
Am...
Ta strane noa jeh 'Shiaght Laa' er n'ghoaill toshiaght, lesh meeryn giarey 'sy Ghaelg. Ta caa dooin cloie Kianglaghyn Kiaullee as Cre'n Vlein? marish Daniel Quayle ayns 'Jamys Jeheiney'. Ayns 'Goll as Gaccan', ta shin clashtyn arrane beg son paitchyn as ta Phil Gawne soilshaghey magh ny fockleyn jeh da Simon Clarke (as dooinyn). Ta meer elley jeh chyndaays 'sy Ghaelg jeh Dracula liorish Bram Stoker ayns 'Claare ny Gael', as yn Olloo Van Helsing as yn Fer Lhee John Seward cur eab er cooney lesh Lucy Westenra.
A new series of 'Shiaght Laa' has begun, with short sections in the Manx Gaelic. W...
Ta Daniel Quayle aa-vioghey gamman va goll er cloie roish nish ayns 'Jamys Jeheiney', myr shoh chammah's Kianglaghyn Kiaullee, ta caa dooin cloie Cre'n Vlein? Ayns 'Goll as Gaccan' ta shin clashtyn arrane scruit ec Mooinjer Veggey son ny paitchyn, ta Phil Gawne ginsh dooin ny fockleyn jeh, as eisht ta shin clashtyn eh keayrt elley. 'Syn chyndaays ain 'sy Ghaelg jeh Dracula liorish Bram Stoker, ta shin goll gys thie Lucy Westenra reesht, as ta'n Olloo Abraham Van Helsing as yn Fer Lhee John Seward cur eab er goaill kiarail j'ee.
Daniel Quayle revives a game that used to be played previously...
Va 'Goll as Gaccan' ry chlashtyn Laa ny Nollick, as ta shin clashtyn Phil Gawne as Simon Clarke cur bannaght yn imbagh er y cheilley, as ta shin clashtyn daa ghoo cochianglt rish yn imbagh neesht. Va earroo y chlaare shen ry chlashtyn laa toshee ny bleeaney noa neesht, as ass y chlaare shen ta shin clashtyn Ian Cottier. Ta Daniel Quayle cur doolaneyn foin ayns 'Jamys Jeheiney', dy gheddyn magh Kianglaghyn Kiaullee as cur cheb er Cre'n Cheer? Ta meer elley ass chyndaays 'sy Ghaelg jeh Dracula liorish Bram Stoker ayns 'Claare ny Gael'.
'Goll as Gaccan' was to be heard on Christmas Day, and w...
Ta shin goaill toshiaght liorish jeeaghyn er aghtyn dy eaishtagh rish tooilley meeryn 'sy Ghaelg trooid ynnyd eggey Radio Vannin. Eisht ta Daniel Quayle 'sy teyrlann lesh earroo elley jeh 'Jamys Jeheiney', lesh daa ghamman er-nyn-son - as lesh cuirrey er sleih dy choyrlaghey gammanyn elley neesht. Ayns 'Claare ny Gael', 'syn aght t'er ve ain rish tammylt hannah, ta shin jeeaghyn er meer ass Dracula liorish Bram Stoker.
We begin by looking at ways to listen to more extracts in Manx through the Manx Radio website. Then Daniel Quayle is in the studio with another edition of 'Jamys Jeheiney', ...
Agh shiaghtin beggan giare ee y cheayrt shoh. Ta shin clashtyn Daniel Quayle choud's t'eh chebbal 'Jamys Jeheiney', lesh yn daa ghamman, Kianglaghyn Kiaullee as Cre'n Cheer? Ass 'Claare ny Gael' ta meer elley jeh'n chyndaays 'sy Ghaelg jeh Dracula liorish Bram Stoker.
But a week that's a bit short this time. We hear Daniel Quayle as he presents 'Jamys Jeheiney', with the two games, Kianglaghyn Kiaullee (Musical Connections) and Cre'n Cheer? (What's the Country?). From 'Claare ny Gael' there's another extract of the translation into the Manx Gaelic of Dracula by Bram Stoker.
Meeryn ass daa chlaare y cheayrt shoh - hoshiaght ta shin clashtyn Daniel Quayle choud's t'eh chebbal 'Jamys Jeheiney', as eisht ta shin clashtyn paart elley jeh Dracula liorish Bram Stoker, 'sy chyndaays 'sy Ghaelg ta ry chlashtyn ayns 'Claare ny Gael'.
Excerpts from two programmes this time - first we hear Daniel Quayle as he presents 'Jamys Jeheiney', and then we hear another part of Dracula by Bram Stoker, in the translation into the Manx Gaelic which can be heard in 'Claare ny Gael'.
Ta Daniel Quayle chebbal 'Jamys Jeheiney', lesh daa ghamman er-nyn-son, Kianglaghyn Kiaullee as Cre'n Cheer? Ta shin clashtyn chammah Phil Gawne as Simon Clarke lesh meeryn 'sy Ghaelg ayns 'Goll as Gaccan'. 'Sy chyndaays ain 'sy Ghaelg jeh Dracula liorish Bram Stoker, ta'n Olloo Abraham Van Helsing currit er enn dooin.
Daniel Quayle presents 'Jamys Jeheiney', with two games for us, Kianglaghyn Kiaullee (Musical Connections) and Cre'n Cheer? (What's the Country?). We hear both Phil Gawne and Simon Clarke with bits in the Manx Gaelic in 'Goll as Gaccan'. In our translation into the Manx Gael...
Ta shin goaill toshiaght lesh claare nagh row ayn! Ta Fiona McArdle chebbal 'Shiaght Laa', as she frea ta'n chlaare shoh. Ta gamman noa ec Daniel Quayle ayns 'Jamys Jeheiney' y cheayrt shoh, chammah's Kianglaghyn Kiaullee as Cre'n Cheer? Ta Phil Gawne 'sy teyrlann marish Simon Clarke son 'Goll as Gaccan' reesht, as t'eh lhaih magh chaghteraght veih'n Ghreinneyder mychione yn chied vrastyl agh ta kuse jeu ry heet. As tooilley veih chyndaays 'sy Ghaelg jeh Dracula liorish Bram Stoker ayns 'Claare ny Gael'.
We begin with a programme that never was! Fiona McArdle presents 'Shiaght Laa', and th...
Veg ass 'Traa dy Liooar', myr vees cadjin. Ta shin clashtyn hoshiaght meeryn ass 'Shiaght Laa'. Ren Daniel Quayle e chooidshare, gyn ourys, ayns chebbal 'Jamys Jeheiney', agh va'n gloyr echey scryssit magh tra ren peiagh ennagh goaill y moggyl AM, nagh dod shin clashtyn agh kuse dy vinnidyn jeh'n chlaare! As ga dy row 'Goll as Gaccan' lane dy reddyn anaasagh, cha row meer er-lheh 'sy Ghaelg er-nyn-son. Ta shin jeeaghyn er meer elley ass chyndaays 'sy Ghaelg jeh Dracula liorish Bram Stoker ayns 'Claare ny Gael'.
Nothing from 'Traa dy Liooar', as is usual. We hear first pieces from 'Shiaght ...