Episodes
Ta nuy questionyn er-nyn-son ayns 'Jamys Jeheiney' reesht, as ta Jamys Kinry prowal y stoyr fys as y cooinaght ain reesht. Ta shin clashtyn drane ny arrane beg ayns 'Goll as Gaccan', as ta Aalin Clague goaill arrane as ta Phil Gawne ginsh dooin ny fockleyn jeh. As ayns 'Claare ny Gael' ta skeeal ain ayns cummey far-skeeal, agh scruit er y gherrid 'sy Vaarle liorish Neel Rana mychione Shorys, y Ree Neu-Vainshtyragh, as chyndaait 'sy Ghaelg son y chlaare.
There are nine questions for us in 'Jamys Jeheiney' again, and James Harrison tests our store of knowledge and our memory again. We hear a...
Son y cheayrt s'jerree ta shin clashtyn meer liorish Juan y Geill ass Pargys Caillit ayns 'Traa dy Liooar'. She Fiona McArdle vees chebbal 'Shiaght Laa', as she'n chlaare s'jerree ee 'sy straih shoh. Ta nuy feyshtyn orrin reesht ayns 'Jamys Jeheiney' marish Jamys Kinry. Ayns meer ass 'Goll as Gaccan' ta shin clashtyn Sarah Hendy goaill yn chied ronney jeh arrane mychione Hop tu Naa. Ta skeeal ghiare ain ayns 'Claare ny Gael' ta mychione troailt ayns traa dy chur aash da cooinsheanse arryssagh.
For the final time we hear an extract by Jack Gell from the Manx paraphrase of Paradise Lost in '...
Ta shin er jeet bunnys gys jerrey yn recortys jeant ec Juan y Geill jeh Pargys Caillit - cha nel agh un veer er mayrn lurg y pheesh shoh va ry chlashtyn ayns 'Traa dy Liooar'. Lurg meer ny ghaa ass 'Shiaght Laa', ta nuy questionyn orrin reesht choud's ta Jamys Kinry Mainshtyr y Whuiz ayns 'Jamys Jeheiney'. Ta shin clashtyn arrane beg jeant dy hoilshaghey magh y phoneme / l / ayns 'Goll as Gaccan', as ta Phil Gawne ginsh dooin ny fockleyn, chammah's cur dooin lessoon elley. Ta'n skeeal ghiare ain ayns 'Claare ny Gael' mychione dooinney ren cosney y Cronchor - agh cre'n aght hooar eh ny earro...
Ta shin goll bun-ry-skyn trooid yn chiaghtin y cheayrt shoh, myr shoh ta shin goaill toshiaght lesh nah ayrn y skeeal ghiare scruit hoshiaght 'sy Vaarle ec Americanagh, Joe Giordano, v'ayns 'Claare ny Gael'. Ta shin clashtyn coontey giare, roish my vees kione currit er y skeeal. Ayns 'Goll as Gaccan', ta shin clashtyn arrane beg son Mooinjer Veggey as ta Phil Gawne ginsh dooin ny fockleyn, chammah's cur lessoon ny Gaelgey neesht. Ta nuy questionyn er nyn son reesht ayns 'Jamys Jeheiney', as Jamys Kinry briaght jin mychione Jeshaghteyrys Cruinlagh (!), Aanrityn as Coraaghyn. She Maralyn Crel...
Ta 'Traa dy Liooar' cur-lesh dooin meer elley ass Pargys Caillit, 'sy recortys liorish Juan y Geill. She Fiona McArdle ta chebbal 'Shiaght Laa' y cheayrt shoh. Ta questionyn mychione Hybridyn, Thieyn Aaght as Coraaghyn goll er cur liorish Jamys Kinry ayns 'Jamys Jeheiney' , as eisht ta shin clashtyn arrane giare 'sy Ghaelg, jeh ta Phil Gawne cur dooin ny fockleyn, roish my vees eh dyn leeideil trooid lessoon elley. Ta'n chied ayrn jeh skeeal scruit hoshiaght 'sy Vaarle ec Americanagh, Joe Giordano, ry chlashtyn ayns 'Claare ny Gael'.
'Traa dy Liooar' brings us another extract from the Ma...
Lurg meer elley jeh Pargys Caillit liorish Juan y Geill ass 'Traa dy Liooar' ta shin clashtyn peesh giare ass 'Shiaght Laa'. Ayns 'Jamys Jeheiney', ta nuy questionyn er-nyn-son reesht, as ayns 'Goll as Gaccan' ta shin gynsaghey arrane beg dy ynsaghey y phoneme / p / roish my vees shin goll magh 'sy gharey marish Phil Gawne son lessoon ny Gaelgey. Fy yerrey, ayns 'Claare ny Gael', ta shin feddyn magh dy vel eer jeeanid noa elley ec Toad, cre erbee ta ny cumraagyn echey smooinaghtyn.
After another extract from Pargys Caillit by Jack Gell from 'Traa dy Liooar', we hear a short piece from 'Shi...
Ta shin goaill toshiaght lesh meer ass Pargys Caillit, recortit ec Juan y Geill, as va ry chlashtyn ayns 'Traa dy Liooar' fastyr Jelune er Radio Vannin AM1368. Er coontey yn reihys mooar cadjin, cha row 'Shiaght Laa' goll fastyr beg Jerdein, myr shoh ta shin lheimmey er oaie gys 'Jamys Jeheiney', fastyr Jeheiney er Radio Vannin AM1368, as ta tooilley questionyn symoil goll er cur orrin liorish Jamys Kinry. Son 'Goll as Gaccan', hug Phil Gawne lesh recortys jeh Annie Kissack goaill arrane dy hoilshaghey magh y phoneme / h /, as eisht t'eh goll trooid ny fockleyn jeh roish my vel shin clashty...
Lurg meer elley liorish Juan y Geill ass Pargys Caillit va ry chlashtyn ayns 'Traa dy Liooar', ta shin clashtyn meer ny ghaa ass 'Shiaght Laa' marish Maralyn Crellin. Ayns 'Jamys Jeheiney' ta nuy feyshtyn reesht currit orrin liorish Jamys Kinry. Ta arrane beg dy hoilshaghey magh y phoneme / a / ry chlashtyn ayns 'Goll as Gaccan', as Aalin Clague as Rob Cain cloie as goaill arrane, as Phil Gawne goll trooid ny fockleyn jeh. Ta arraneyn elley er-nyn-son ayns 'Claare ny Gael', lesh daa arrane tradishoonagh as fockle ny ghaa mychione sorchyn dy hiyn.
After another extract by Jack Gell from the...
Ass 'Traa dy Liooar' fastyr beg Jelune, ta meer elley ain ass Pargys Caillit, 'sy recortys jeant ec Juan y Geill. Fastyr beg Jerdein, she Fiona McArdle ta chebbal 'Shiaght Laa', agh ta shin clashtyn coraa Brian Mac Stoyll neesht. Tooilley feyshtyn er-nyn-son ayns 'Jamys Jeheiney' fastyr Jeheiney, lesh Jamys Kinry cur questionyn mychione Miallyn ard-ghooagh, Germanee ard-ghooagh, as mychione arrane ennoil. Lurg lessoon liorish Phil Gawne ta cur-lesh shin gys y gharey reesht, ta shin clashtyn arrane dy ynsaghey paitchyn Mooinjer Veggey y phoneme / j /, as eisht ta Phil cur kiare enmyn dooin, ...
As veg ain jeh Pargys Caillit er yn oyr nagh row 'Traa dy Liooar' goll, ta shin clashtyn hoshiaght meeryn ass 'Shiaght Laa', roish my vees doolane currit foin lesh feyshtyn liorish Jamys Kinry ass 'Jamys Jeheiney'. Ta lessoon giare er-nyn-son liorish Phil Gawne ass 'Goll as Gaccan', as eisht ta shin clashtyn toshiaght nah chabdil y skeeal ard-ghooagh, Y Gheay ayns ny Shellee, as chyndaays 'sy Ghaelg jeh'n Vaarle scruit hoshiaght ec Kenneth Graham.
With nothing of the Manx paraphrase of Paradise Lost because 'Traa dy Liooar' wasn't on, we hear first pieces from 'Shiaght Laa', before a chall...
Ass 'Traa dy Liooar' ta shin clashtyn meer elley jeh Pargys Caillit, lesh obbyr yn Arrymagh Thomas y Christeen goll er lhaih magh liorish Juan y Geill.
She Maralyn Crellin ta chebbal 'Shiaght Laa' y cheayrt shoh.
Ayns 'Goll as Gaccan' ta Phil Gawne lhaih magh ass screeuyn naight mychione taghyrtyn ny Gaelgey, as eisht t'eh jeeaghyn er daa ronney jeh hymn.
Ta shin cheet gys jerrey yn chied chabdil jeh Y Gheay ayns ny Shellee ayns 'Claare ny Gael'.
From 'Traa dy Liooar' we hear another extract from the Manx paraphrase of Paradise Lost, with Rev Thomas Christian's work being read by Jack G...
Lurg meer elley ass Pargys Caillit 'sy recortys liorish Juan y Geill va ry chlashtyn ayns 'Traa dy Liooar' ta shin goll er oaie gys towse dooble jeh 'Shiaght Laa' - va'n chied chlaare 'sy straih noa jarroodit y cheayrt s'jerree, myr shoh ta shin clashtyn shen, roish my vees Fiona McArdle chebbal meeryn as y chlaare shoh chaie.
Va questionyn ain ayns 'Jamys Jeheiney' reesht, agh ta foast three jeu ry heet, myr ta shin clashtyn Jamys Kinry soilshaghey magh.
Ayns 'Goll as Gaccan' ta Phil Gawne jeeaghyn er yn chied ronney jeh hymn Isaac Watts ayns chyndaays 'sy Ghaelg liorish yn Arrymagh J T ...
Ass 'Traa dy Liooar' ta shin clashtyn meer elley jeh Pargys Caillit 'sy recortys jeant ec Juan y Geill 'sy vlein 1980.
Cha row 'Jamys Jeheiney' ry chlashtyn y cheayrt shoh, myr shoh ta shin goll dy jeeragh gys 'Goll as Gaccan', as aynjee va Phil Gawne loayrt mychione gobbraghey 'sy gharey as goaill paart dy yough neesht - agh cre'n sorch?
Ayns 'Claare ny Gael' y cheayrt shoh chaie, cheayll shin mychione y Chyaghan faagail thie arragh dy row, as t'eh er jeet gys awin. Y cheayrt shoh ta shin clashtyn mychione yn aght ta'n Kyaghan as y Roddan Ushtey cheet dy ve nyn gaarjyn 'sy chyndaays shoh...
My vees oo geiyrt er ny fockleyn jeh Pargys Caillit ayns Lioar XX y Heshaght Vanninagh, yn cheayrt shoh ayns 'Traa dy Liooar' ta shin clashtyn Juan y Geill lhaih magh veih'n hoghtoo linney er duillag 11 gys yn chied linney er duillag 12.
Ta three boutyn dy whestionyn as three questionyn y pheesh ayndaue, ayns 'Jamys Jeheiney', as Jamys Kinry cur orrin feyshtyn mychione Lioaryn Roald Dahl, mychione Mraane ayns Sheanse, as mychione ny Gammanyn Olympagh.
Ta lessoon 'sy Ghaelg ain ayns 'Goll as Gaccan', as ta shin goll marish Phil Gawne stiagh 'sy gharey.
Ta shin jeeaghyn er chyndaays 'sy Gh...
Ta shin clashtyn Juan y Geill choud's t'eh lhaih magh meer elley ass Pargys Caillit er-nyn-son ayns 'Traa dy Liooar'.
Va'n lioar Skeealaght clouit ec yn Cheshaght Ghailckagh 'sy vlein 1976, as va kuse dy skeealyn scruit er-e-son liorish Colin y Jerry. Ta Phil Gawne lhaih magh fer jeu, Corkish, ayns 'Goll as Gaccan'.
Ren Sean O Bradaigh chyndaays jeh skeeal ass Mannin scruit 'sy Vaarle ec Dora Broome, The Merman's Coat. Ayns 'Claare ny Gael' ta shin clashtyn vershoon jeh shen 'sy Ghaelg, Cooat yn Dooinney Marrey, cur geill da'n vershoon 'sy Yernish chammah's da'n skeeal 'sy Vaarle.
We hea...
Va meer ass Pargys Caillit ry chlashtyn ayns 'Traa dy Liooar' y cheayrt shoh, myr shoh ta caa dooin clashtyn Juan y Geill lhaih magh shen er-nyn-son.
Ayns 'Goll as Gaccan' ta drane ry chlashtyn, jeusyn ta goll er screeu dy ynsaghey paitchyn sheeanyn ny Gaelgey.
Ta shin foast jeeaghyn er cooinaghtyn Neddy Beg Hom Ruy ayns 'Claare ny Gael', as y cheayrt shoh t'eh cheet er yn aght va ny eeasteyryn gymmyrkey tra v'ad cheet gys jerrey yn imbagh as va'n eeastagh skeddan cheet gy kione.
There was an extract from the Manx paraphrase of Paradise Lost in 'Traa dy Liooar', so we have the opportuni...
Ta ny nuy questionyn er-nyn-son ayns 'Jamys Jeheiney' mychione : Cayrnyn; Armyn (yn Heraldys); as mychione Eeym (ny stoo vees jeant dy ve myr eeym). Myr shoh, reayn lhean dy chooishyn t'er nyn reih ec Jamys Kinry.
Ta caa dooin goaill soylley jeh show va jeant mleeaney ec paitchyn y Vunscoill Ghaelgagh - Skeeal mychione y Chliwe Macabuin. Ta Phil Gawne lhaih magh toshiaght y skeeal ayns 'Goll as Gaccan', as eisht ta shin clashtyn ny paitchyn hene.
Ayns 'Claare ny Gael' ta shin mooie er y cheayn reesht marish Neddy Beg Hom Ruy choud's t'eh ginsh dooin mychione ny cliaghtaghyn cochianglt ris...
Ayns 'Jamys Jeheiney', ta Jamys Kinry cur nuy feyshtyn orrin, bentyn rish three cooishyn t'eh er reih y cheayrt shoh : yn Chapaan; Fynnoddereeyn; as Lughee.
Ta shin clashtyn drane elley jeant ec Phil Gawne as Annie Kissack dy ynsaghey y phoneme /r/ 'sy Ghaelg da paitchyn. Chammah's shen ayns 'Goll as Gaccan', ta Phil Gawne loayrt mychione shappal.
Ta shin clashtyn dy row Neddy Beg Hom Ruy screeu sheese e chooinaghtyn as skeealyn cheayll eh woish sleih elley choud's v'eh er boayrd baatey eeastee va ny lhie ayns Crookhaven, as dy vel ooilley ny reddyn shoh jannoo seose screeuyn. Ta ny meer...
Ta shin clashtyn meer elley ass Pargys Caillit ayns 'Traa dy Liooar', as Juan y Geill lhaih magh obbyr yn Arrymagh Thomas y Christeen er-nyn-son.
Ayns 'Jamys Jeheiney' ta jeih questionyn goll er cur orrin liorish Jamys Kinry, agh cha nel agh nuy ansooryn ry gheddyn - shegin dooin fuirraghtyn derrey y nah cheayrt dy gheddyn magh y jeihoo ansoor. Reesht, questionyn er caghlaaghyn cooish as caa dy gheddyn magh tooilley fys my-nyn-gione neesht.
Er yn oyr dy row 'Goll as Gaccan' goll er scaalheaney yn laa roish sharmaneys bleinoil y Reiltys ayns Balley Keeill Eoin, ta Phil Gawne ginsh dooin ra...
Ta shin foast tannaghtyn lesh y recortys liorish Juan y Geill jeh meeryn ass Pargys Caillit ayns 'Traa dy Liooar'.
Ayns 'Shiaght Laa' ta shin jeeaghyn er Laa Columb Killey as Gaelg Nane as Feed, er bun yn ockle as yn eie, Utopia, ta goll er ymmydey 'sy lhing shoh, as ta shin clashtyn arrane noa scruit ec Emily, Cristl as Ned jeh'n Vunscoill Ghaelgagh son Gaelg Nane as Feed, Gaelg Aboo!
Ta jeih questionyn er-nyn-son y cheayrt shoh ayns 'Jamys Jeheiney', as ta Jamys Kinry ginsh dooin beggan mychione ny cooishyn neesht.
Cha row lessoon ny skeeal ain 'sy Ghaelg ayns 'Goll as Gaccan' y cheayr...
Ayns 'Traa dy Liooar' ta shin clashtyn Juan y Geill choud's t'eh lhaih magh meer elley jeh Pargys Caillit, recortys va jeant echey 'sy vlein 1980.
Ta Maralyn Crellin loayrt mychione yn Iomairt Colm Cille ayns 'Shiaght Laa', as yn traa v'eh lhunnit 'sy vlein 1997, as eisht mychione yn aght ta Ellan Vannin cheet dy ve cochianglt rish. T'ee loayrt neesht mychione Noo Carbory as yn skylley lesh yn ennym echey, agh cha nel yn ennym echey er keeill ny skylley.
Ta nuy questionyn er-nyn-son ayns 'Jamys Jeheiney', as Jamys Kinry ad y chur dooin.
Va keayrtagh goaill ayrn ayns 'Goll as Gaccan', as ...
Ayns 'Traa dy Liooar' ta shin clashtyn meer elley ass Pargys Caillit, 'sy recortys jeant ec Juan y Geill.
She Fiona McArdle vees chebbal 'Shiaght Laa', as ta shin clashtyn mychione daa cheeill ayns Doolish nagh vel ry akin nish, as ad er nyn lhieggal paart dy vleeantyn er dy henney. Ta shin clashtyn neesht mychione Noo Colum Killey.
Ta nuy questionyn er-nyn-son ayns 'Jamys Jeheiney', as Jamys Kinry cur ad shen ayns three boutyn, bentyn rish Gorillaghyn, rish ny Naightyn as rish Ratchyn Liauyrey.
Ta Phil Gawne leeideil shin trooid kuse dy raaghyn ass Lessoonyn Toshee 'sy Ghailck liorish E...
Ayns 'Shiaght Laa' ta shin clashtyn mychione Laare Ellynyn Phurt Chiarn, mychione y ghowaltys Abb Bell ayns Colby, mychione Colum Killey, as mychione yn skeeal cheu-chooylloo jeh'n arrane, Birlinn Ghorree Chrovan.
Ta caghlaa 'syn aght ta Jamys Kinry reaghey ny questionyn er-nyn-son ayns 'Jamys Jeheiney', agh she quiz t'ain reesht, kiart dy liooar.
Ta Phil Gawne jeeaghyn er paart beg jeh arrane liorish Neddy Beg Hom Ruy ayns 'Goll as Gaccan', roish my vees eh goll trooid raaghyn ayns lessoon ass Lessoonyn Toshee 'sy Ghailck, as eisht t'eh lhaih magh skeeal liorish Colin y Jerry va clouit a...
Ta shin clashtyn toshiaght y daan hene, Pargys Caillit, 'sy recortys va jeant ec Juan y Geill, as va ry chlashtyn ayns 'Traa dy Liooar'.
Ta Maralyn Crellin chebbal 'Shiaght Laa', as ta shin clashtyn mychione Goaill Padjer ec ny Shenn Chialteenyn, mychione bea as obbyr y chloieder snag-chiaull, John Coltrane, as mychione y skeeal cochianglt rish arrane as va chyndaays jeant jeh 'sy Ghaelg liorish Doolish y Karagher.
Ta daa whestion jeig er nyn son ayns 'Jamys Jeheiney', rheynnit er kiare ayrnyn jeh three questionyn y pheesh liorish Jamys Kinry.
Son 'Goll as Gaccan', ta Phil Gawne stiurey ...
Ayns 'Traa dy Liooar' ta Juan y Geill cur kione er Gys yn Lhaider, yn roie-raa roish Pargys Caillit, y paraphrase jeh Paradise Lost 'sy Ghaelg, scruit ec yn Arr Thomas y Christeen.
Ta obbyr yn Olloo Avril Maddrell myr geo-oaylleeagh sheshoil as cultooroil goaill stiagh yn sym eck er y taghyrt bleinoil, Goaill Padjer ec ny Shenn Chialteenyn, jehsyn ta shin clashtyn ayns 'Shiaght Laa' Agh va paart dy voghtynys ayn neesht, as ta shin clashtyn my-e-chione, roish my vees goaill ayrn marish Doolish y Karagher ayns arrane.
Ta shin goltaghey back 'Jamys Jeheiney' , as goaill soylley jeh daa whest...
Ta shin goaill toshiaght lesh 'Traa dy Liooar', aynjee ta shin geaishtagh rish recortys jeant ec Juan y Geill - as lurg barney cho liauyr as v'ayn, ta shin goaill toshiaght reesht.
Ayns 'Shiaght Laa' ta Fiona McArdle ginsh dooin mychione yn Fer Lhee John Clague as mychione yn lioar, Cooinaghtyn Manninagh, as assjee ta shin clashtyn Juan y Geill, Robard y Carsalagh as Jamys Kinry loayrt mychione Shenn Oie Voaldyn as Shenn Laa Boaldyn.
Ta lessoon ain ayns 'Goll as Gaccan' mychione yn aght dy loayrt mychione yn traa ry heet, chammah's fockle ny ghaa er-nyn-son, choud's ta Phil Gawne jeeaghyn...
Ta shin goaill toshiaght lesh meeryn liorish Maralyn Crellin va ry chlashtyn ayns 'Shiaght Laa'.
Chammah's shen, ta'n skeeal ghiare ain ta goll er insh ayns 'Claare ny Gael', mychione dooinney va ny cheayrtagh ayns Firenze 'syn Iddaal, as yn aght haink eh quail ben faaishnee daa cheayrt.
We begin with excerpts by Maralyn Crellin which were heard in 'Shiaght Laa'.
As well as that, we have our short story being told in 'Claare ny Gael', about a man who was a visitor in Florence in Italy, and the way he met a fortune-telling woman on two occasions.
Ta 'Shiaght Laa' briaght mychione yn traa ta'n laa noa ayns rieughid goaill toshiaght; ta shin clashtyn ny fockleyn jeh arrane chosn aundyr ayns cohirrey Boaldyn Culture Vannin; as mychione caa dy heet dy ve cochianglt rish Orchestra Biol Vannin.
Ta Phil Gawne jeeaghyn er daa henn raa chreeney cochianglt rish Boaldyn ayns 'Goll as Gaccan', as er daa ronney giare jeh arrane soit Moghrey Laa Boaldyn, roish my vees eh goll er oai gys lessonyn 36 as 37 jeh Lessoonyn Toshee 'sy Ghailck liorish Edmund Goodwin, as fy yerrey ta shin clashtyn fer elley jeh ny draneyn noa son Mooinjer Veggey, dy chu...
Ayns 'Goll as Gaccan' ta Phil Gawne dyn stiurey trooid lesson 36 ass Lessoonyn Toshee 'sy Ghailck liorish Edmund Goodwin; ta drane noa son Mooinjer Veggey dy ynsaghey y phoneme [k]; as ta skeeal ghiare ain ass Skeealaght.
Ta'n skeeal ghiare ain ayns 'Claare ny Gael' cur lesh shin back gys laghyn ny fir vaghee ooig - agh vel ee dy feer? T'ee mychione Soob Doo as Sook Nagh Row Ro Liauyr, agh she Far-Skeeal son yn Lhing Ain ta'n fo-ennym eck. Ta'n aittys j'ee cheet veih'n fys anachronistagh t'ec fer jeh ny deiney.
In 'Goll as Gaccan' Phil Gawne takes us through lesson 36 of First Lessons in ...
Ta Phil Gawne jeeaghyn er paart jeh lessoon 35 jeh Lessoonyn Toshee 'sy Ghailck liorish Edmund Goodwin ayns 'Goll as Gaccan'.
Ta skeeal ghiare ain ayns 'Claare ny Gael' mychione skeeandagh aeg as t'eh cheet lesh lhiantyn tonnyn radio rish tachyon - ta tachyon (ayns sheiltynys, ec y chooid sloo) goll ny s'tappee na bieauid hollysh - ayns eab dy chur chaghteraght da, as dy gheddyn freggyrt veih, gynoaltagh ass planaid ayns coarys greiney elley.
Phil Gawne looks at part of lesson 35 from First Lessons in Manx by Edmund Goodwin in 'Goll as Gaccan'.
Our short story in 'Claare ny Gael' is abou...