![](https://mm.aiircdn.com/147/107693.jpg)
-
DAB+, FM & AM 89, 89.5, 97.2, 103.7 & AM1368
-
Online Listen on Radioplayer
-
Mobile Download the app
-
Smart Speaker Ask your speaker 'play Manx Radio'
Manx/Gaelg
Chyndaays Gaelgagh
CRE SON TA’N REIHYS?
T’eh son reih kiare olteynyn as feed da’n Chiare as Feed, ta ayrn jeh Ard-Whaiyl Ellan Vannin.
She Jerdein 23oo Mean Fouyir 2021 vees laa yn Reihys.
QUOI EC TA KIED REIH?
Ta kied ayd cur dty reih ‘syn Ard-Reihys my t’ou 16 ny ny shinney as t’ou er ve cummal ayns Mannin rish daa vee yeig roish yn Ard-Reihys.
CRE’N AGHT FODDYM SHICKYRAGHEY MY REIH
Ta feme ayd dy ve recortyssit er son reih. She Jerdein 2ah Mean Souree 2021 yn laa s’jerree foddee oo jannoo shoh.
CRE’N AGHT FODDYM RECORTEY DY CHUR MY REIH
Jeeagh er’n ynnyd-eggey shoh
https://services.gov.im/electoral-register
REIHYN POSTAGH
Foddee oo cur dy reih liorish post my vees oo ersooyl veih’n Ellan er Laa yn Ard-Reihys ny my vees eh ny s’assey dhyt.
Ta feme ayd clou magh as lheeiney stiagh yn ferrym yeearreeys, vees ry-gheddyn dy gerrid.
DAATYN NY REIHYN POSTAGH
Tra yiow oo yn paggey reih postagh ayd, hig eh lesh coodagh ro-eeckit.
Shegin dhyt lheeiney stiagh ny pabyryn reihys postagh as cur ad er-ash ‘sy choodagh ro-eeckit ayns traa cooie son roshtyn ard-oaseir reihyssagh yn rheynn-reih cooie dhyt roish 5sa Jecrein 22ah Mean Fouyir – yn laa roish yn reihys.
Mannagh derragh oo dty reih ayns traa, as t’ou ayns Mannin er Laa yn Ard-Reihys, foddee oo cur lhiat dty phabyr reih dys dty stashoon reihyssagh enmyssit.