Manx/Gaelg

Chyndaays Gaelgagh

CRE SON TA'N REIHYS?

T'eh son reih yn chiare oltey as feed jeh'n Chiare as Feed ta jannoo seose ayrn jeh parlamaid Vannin.

Bee Laa yn Reihys Jerdein 24oo Mean-Fouyir 2026.

QUOI TA LOWIT TEIH?

Foddee shiu teih 'syn Ard-Reihys my vees shiu ny shinney na 16 bleeaney d'eash as er veaghey ayns Mannin son yn 12 vee ny roish.

KYS FODDYM SHICKYRYAGHEY DY VODDYM TEIH?

Shegin dhyt ve recortit dy heih.

She Jemayrt 25oo Mee Luanistyn 2026 yn laa s'jerree foddee shiu jannoo shoh.

KYS FODDYM RECORTEY MEEHENE DY HEIH?

Shegin dhyt goll dys yn ynnyd-eggey shoh:

https://services.gov.im/electoral-register

TEIHYN POSTAGH

Foddee shiu teih 'sy phost mannagh bee shiu ayns Mannin er Laa yn Reihys ny my vees eh ny sassey dhyt.

Shegin dhyt jeelaadey as lhieeney stiagh yn ferrym shirree vees ry gheddyn ny sniessey da'n date.

DATEYN HEIH PHOSTAGH

Tra yiow shiu dty phaggad teih phostagh, hig eh lesh coodagh eeckit rolaue.

Shegin da ny pabyryn teih phostagh ve lhieenit stiagh as currit erash 'sy choodagh eeckit rolaue ayns traa dy liooar son kione-choontey y rheynn-reihys dy gheddyn eh roish 5 'syn astyr er Jecrean 23ass Mean-Fouyir - yn laa roish y reihys hene.

Mannagh jean shiu cur stiagh dty heih ayns traa dy liooar, as my vees shiu ayns Mannin er Laa y Reihys, foddee shiu goaill nyn deih dys yn stashoon reihyssagh çhymnit.