On Air Late Lunch Howard Caine & Sarah Hendy | 1:00pm - 3:00pm

Call for government to invest in Island education

Eam son reiltys dy vaih argid ayns ynsagh yn Ellan

Sheshaght cheirdey ayns argane faill gra coarys yn Ellan 'er creau'

Ta eam ayn son yn reiltys dy vaih argid 'syn ynsagh.

Ta screeudeyr banglane Sheshaght Ashoonagh ny Mainshtyryn Scoill, Sheshaght Cheirdey ny Mraane Ynsee Geraldine O'Neill gra dy vel argane y heshaght cheirdey eck ec y traa t'ayn er faill as ronnaghyn jannoo seose monney jeh cooish s'lhea.

T'ee gra dy vel failley as freayll fir ynsee 'syn Ellan jannoo seose oyr elley son imnea, as bentyn rish t'ee treishteil son cooney yn rheynn ynsee.

AS GERALDINE O'NEILL :  Cha nee adsyn ta jannoo ny reaghyssyn er argid, agh ta shin treishteil dy feer dy jinnagh ad shin y phohlldal ayns ooilley ny coloayrtyssyn ain 'sy traa ry heet ayns cur y chooish shoh roish yn Tashtey.

Dy neu-aighoil, as yn Tashtey jannoo raaghyn jeh'n lheid dy nhegin da ny fir ynsee cur ad hene gys nyn obbyr, cha nel shen cooney. Cha nel shen agh cur ass cree ny fir phrofeshoonagh ain. As ta feme ain, dy firrinagh, dy chur er ny fir phrofeshoonagh ain gennaghtyn jeh scansh ayns nyn moodeeys as mastey yn theay ain.

 

Union in pay dispute says Island system is 'creaking'

There's a call for government investment in education.

National Association of Schoolmasters, Union of Women Teachers branch secretary Geraldine O'Neill says her union's current dispute over pay and terms is symptomatic of a wider issue.

She says recruitment and keeping teachers on the Island is another area of concern, where she hopes for support from the department of education:- 
 

More from Manx Gaelic