DESC says ball is in union's court

RYSC gra dy nee lesh y cheshaght cheirdey ta'n chooish

[Noteyn: RYSC - Rheynn Ynsee, Spoyrt as Cultoor ; SAAFY - Sheshaght Ashoonagh ny Ard Fir Ynsee]

SAAFY neu-choardail, choud's ta argane er faill goll er

Ta oltey politickagh y rheynn ynsee gra dy nee lesh y cheshaght cheirdey ta'n chooish bentyn rish argane er faill.

Shoh lurg da Sheshaght Ashoonagh ny Ard Fir Ynsee soilshaghey magh dy vel 85 per cent jeh ny olteynyn eck arryltagh dy stholkey er-coontey y chooish.

Ta'n cheshaght cheirdey gra nagh vel y reiltys geaishtagh rish ny imneaghyn eck as dy vel 'veg dy vian' eck dy feaysley y chooish.

Agh ta Lawrie Hooper gra dy dug y rheynn echey eab er kiartaghey y mee-choardail meeaghyn er dy henney.

AS LAWRIE HOOPER : Y traa shen Mee Vayrt, three meeaghyn er dy henney nish, ren yn rheynn chebbal y starr shoh dy eddyr-chiartaghey liorish trass phersoon, as cha nel shin er chlashteyn veg back. Myr shoh, ayns rieughid s'lesh y cheshaght cheirdey ta'n chooish, as t'ee er ve rish kuse dy veeaghyn. T'eh er-nyn-son dy yannoo briwnys vel ad geearree goll trooid starr dy eddyr-chiartaghey ny dyn. Ayns rieughid cha nel monney elley oddys y rheynn dy yannoo.  

Ta Mnr Hooper gra dy vel y rheynn er ve cleeir trooid magh ny barganaghyn as dy nee lesh yn SAAFY eh dy ghoaill y nah cheim - ta screeudeyr ashoonagh y heshaght cheirdey Rob Kelsall garganey noi shoh.

AS ROB KELSALL : Son shickyrys er y cheu ainyn, reesht ta shin er screeu as, ayns firrinys, tra hug shin stiagh fogrey, hoshiaght mychione y teiy, y teiy gyn cosoyley dy row shin goaill toshiaght er, as, dy jarroo, ren shin soilshaghey magh ny eiyrtyssyn jeh shen jus Jelune y chiaghtin shoh, cha nel freggyrt erbee er ve ain veih shirveishee ny veih reiltys Ellan Vannin, as shen reesht oyr mooar dy imnea. Ta cochorp aa-scrutee neu-chrogheydagh ec fir ynsee as leeideilee ny scoillyn enmyssit Cochorp Aa-Scrutee ny Fir Ynsee, ren coyrlaghey dy lhisagh leeideilee trooid yn Ellan cosney bishaghey 3.5 per cent, as cha nel shen er ve cooilleenit.  

NAHT disagrees, as pay dispute continues 

A political member of the education department says the ball is in a union's court when it comes to a dispute over pay.

It's after the National Association of Head Teachers revealed 85 per cent of its members are willing to go on strike over the issue. 

The union claims government isn't listening to their concerns and has 'no appetite' to resolve the matter.

But Lawrie Hooper says his department tried to settle the disagreement months ago:

Mr Hooper claims the department has been clear throughout negotiations and that it's up to the NAHT to make the next move - the union's national secretary Rob Kelsall disputes this: