On Air Manx Radio Update Dave Moore | 5:30pm - 6:00pm

Have your say on Douglas Prom plans

Cur dty varelyn mychione plannyn son Shooylaghan Ghoolish

Cha nel agh beggan fo daa hiaghtin faagit dy chur dty imraaghyn gys lught-plannal, bentyn da treealtyssyn dy chaghlaa Shooylaghan Ghoolish.

Yeearreydys y Rheynn Bun-Troggalys dy vestey trammyn, traaght as sleih, t'eh ry-gheddyn nish er ynnyd-eggey yn reiltys - marish ny shlee na kiare feed docamad pohlldal.

Ta ny plannyn soilshaghey treealtyssyn y reiltys, voish Thie ny Troailtee Marrey ooilley yn raad gys Cashtal Gherby.

As ta ny docamadyn soilshaghey yn aght ta'n Rheynn kiarail croo kerroo cultooroil noa sy phreeu-valley.

Ayns y jerrey, she Coonseil ny Shirveishee nee briwnys ny hig er yn yeearreydys, son dy vel eh çheet veih rheynn reiltys.

Ta'n yeearreydys goaill stiagh myrgeddin ny shlee na daa cheead as feed dy h-imraaghyn veih'n theay, ny lurg da ny chied phlannyn v'er ghreinnaghey resoonaght feer vooar.

As, marish myn-phointyn mychione stoo-troggal as yn aght vees yn çhooylaghan jeeaghyn, ta tuarastyl shenndaaleeagh ayn  mychione shennaghys yn çhooylaghan.

My t'ou geearree geddyn tooilley fysseree mychione ny treealtyssyn, ny by vie lhat cur dty varelyn mychione ny plannyn, foddee oo cur shilley er ynnyd-eggey yn reiltys ec gov.im.


Have your say on Douglas Prom plans

There's just under two weeks left to get your comments to planners about proposals to transform Douglas Promenade.

The Department of Infrastructure's planning application to mix trams, traffic and people is now available on the government website - with more than 80 supporting documents.

The plans lay out the government's vision for the Prom, stretching from the Sea Terminal right the way along to Derby Castle.

And the documents show how the department plans to create a new cultural quarter in the capital.

Because the application comes from a department, the Council of Ministers will eventually decide its fate.

The application also includes more than 220 comments from members of the public after the original plans sparked huge debate.

And along with details of the building materials and planned look there's also an archaeological report looking at the history of the prom.

If you'd like more information about the proposals or would like to have your say on the plans, you can visit the government's website gov.im.

More from Manx Gaelic