Beekeeper Phil Corlett warns of weed killers
Shellaneyr Phil Corlett cur raaue mychione nieu sarkil
Ta ard soilshey er ve ceaut er ny gaueyn jeh nieu sarkil son shellanyn 'syn Ellan liorish Treisht y Thalloo Keylley.
Stiureyder y heshaght ta Phil Corlett, as ta three shelleigyn echeysyn hene.
Ta'n raaue cheet er-yn-oyr, ec traa shoh ny bleeaney, dy vel lussyn ny minnag mastey ny buill hoshee ta ny beishteigyn cosney pollen, roish y tourey.
Ta Phil gra dy vel ymmodee aghtyn dooghyssagh dy gheddyn rey rish sarkil gyn jannoo ymmyd jeh nieu paitt.
AS PHIL CORLETT : Jus dy feer goll sheese er ny glioonyn ayd as tayrn magh ad ass y thalloo, cha nel shen dy kinjagh yn reih ec sleih, agh shaghey spreih. Son, my vees oo spreih, ta'n beishteig geddyn baase. As ta nieu lus as stooghyn kemmigagh. Ny ta'n bun jeh, cha nel oo dy feer toiggal ny t'eh jannoo da'n ooir neesht. Myr shoh, foddee dy vel oo jannoo er ny dhianeyn 'sy gharey ayd neesht.
AS SIAN COWPER : As chammah, ta lussyn ny minnag er-lheh scanshoil ec traa shoh ny bleeaney neesht, roish my jig eer tooilley blaaghyn souree nyn mlaa.
AS PHIL CORLETT : Ta, ta pollen as nectar ayns lussyn ny minnag, as t'eh foddyr moghey, myr t'ad gra rish, ny bee son ny shellanyn, as my vees oo jeeaghyn mygeayrt, t'ad dy chooilley voayl.
Beekeeper Phil Corlett warns of weed killers
The dangers of weed killer to the island's bee population have been highlighted by the Woodland Trust.
Phil Corlett is director of the organisation, and has three bee hives himself.
The warning comes as at this time of year, dandelions are one of the insects' first sources of pollen, ahead of the summer.
Phil says there are plenty of natural ways to get rid of weeds without resorting to pesticides:
Traa dy Liooar, 8oo Mee Averil 2024
