Eiyrtyssyn er chee cheet veih photographeeaght speyragh bentyn rish aa-chummey keeshyn-thie
Cha nel POV er ny hickyraghey liorish treealtyssyn y reiltys
Ta ny eiyrtyssyn jeh obbyr photographeeaght speyragh – as bee ymmyd jeant jeh dy aa-chummey keeshyn-thie ‘syn Ellan – nish goll trooid saase aa-scrutaght y foays oc roish my vees ad currit roish y reiltys.
Agh ta leeideilagh Partee Obbraghys Vannin gra nagh vel eh er ny hickyraghey liorish treealtyssyn y reiltys t’ayn nish.
Va’n chooish fer jeh reygyryn dy ardyn imneagh as trimmid currit urree ayns maylartey scruit eddyr shenn oltey Tinvaal ta ny haaue nish, David Cretney, as Howard Quayle, lurg da cur y bayr da Chris Thomas ass Coonceil ny Shirveishee.
Ta Mnr Cretney gra dy nee cooish ee ta feme tooilley geill, as shen dy leah.
AS DAVID CRETNEY : Ta’n Ard Shirveishagh ginsh dooin dy vel y photographeeaght er ve jeant as dy vel eh er chee ve currit da Reiltys Vannin. Well, eisht cre vees taghyrt, ayns rieughid? Foast cha nel coarys cairagh dy chur keeshyn-thie ayns Ellan Vannin. As, er-lhiam nagh vel Partee Obbraghys Vannin er ny hickyraghey dy vel ny treealtyssyn t’ayn nish cur-lesh shin ny sodjey er oai monney.
MLP not convinced by gov't proposals
The results of aerial photography work - which will be used to reform rates on the Island - are now undergoing a quality review process before being presented to government.
However, the leader of the Manx Labour Party says he isn’t convinced by government’s current proposals.
The subject was one of a number of areas of concern highlighted in a written exchange between retired Tynwald veteran David Cretney and Howard Quayle, after he sacked Chris Thomas from the Council of Ministers.
Mr Cretney says it’s an area that needs more attention, and soon:
Traa dy Liooar, 8oo Mee Averil 2024
