Attorney General faces legal bill

Y Turneyr Theayagh cur eddin rish coontey leighagh

Y Turneyr Theayagh Stephen Harding, t'eh er ny harey costyssyn y eeck, erreish da v'er hual y lhiass-chiannoort Adam Wood.

Jerrey Fouyir shoh chaie, ren eh shual yn kiannoort myr çhaghter y venrein, as eh gra dy row immeeaghtyn smaghtoil noi er nyn gur sheear cho foddey as nagh row ad cairagh.

Va Mnr Harding er ny chur ry-lhiattee veih'n startey echey son tree bleeaney, ga dy row eh feddynit dy ve gyn loght  sy vlein feed cheead as kiare-jeig bentyn da cassidyn jeh oaieys as jannoo reddyn noi cairys theayagh.

Va Mnr Harding cosney hoght feed thousane punt sy vlein liorish e startey. T'eh kiare bleeaney jeig as daeed dy eash.

Nish ta Mnr Harding cur eddin rish geeck son coontey leighagh mooar, neayr's hirr çhaghter Ellanagh y Chrooin dy neeckagh eh faggys da kiare feed as nuy thousane punt myr costyssyn.

Erreish da v'er chlashtyn y chooish, dooyrt y Briw Rosen nagh voddagh costyssyn ve er nyn mriwnys noi yn Chrooin dy cliaghtagh - va'n kiannoort er ny hual ass lieh yn Chrooin.

As yioold y Briw Rosen arganeyn nagh row ablid ec y whaiyl costyssyn y vriwnys er yn oyr nagh row ablid eck y chooish y chlashtyn.

Dooyrt eh nagh lhisagh y chooish-leigh er jeet roish y whaiyl. V'ee er ve fardailagh as va raaue er ny chur da Mnr Harding dy jinnagh ee failleil.

Ren eh briwnys costyssyn noi Mnr Harding.


Attorney General faces legal bill

Attorney General Stephen Harding has been ordered to pay costs after suing lieutenant governor Adam Wood.

Last October, he sued the governor as the queen's representative, claiming disciplinary proceedings against him had been delayed so long they were unfair.

Mr Harding had been suspended from his £160,000 a year job for three years despite being cleared of charges of perjury and committing acts against public justice in 2014.

Now the 54-year old faces paying a large legal bill after the Island's Crown representative applied for almost £89,000 in costs against him.

Hearing the case, Deemster Rosen said ordinarily no costs could be awarded against the Crown, on whose behalf the governor was sued.

And he dismissed arguments that because the court found it had no jurisdiction to hear the case, it would have no jurisdiction to award costs.

Deemster Rosen said the case shouldn't have been brought and had served no useful purpose as Mr Harding had been warned it would fail.

He awarded costs against Mr Harding.