Glenney mooar lurg Sterrym Brian
Ta fir-toshee Vun-Troggalys gra dy vel obbyr-ghlennee foast fo-raad, lurg da Sterrym Brian v'er vaagail smooirlagh dy hrustyr mygeayrt y clyst-marrey.
Va poagaghyn-geinnee er nyn gur magh son y nah cheayrt ayns shiaghtin, Jeheiney as Jesarn, myr va geay gaal as tonnyn ardey bwoalley traieghyn - ny cheayrtyn va ushtey-thooilley er ny scughey stiagh er y çheer.
Hooar offish-stiuree Ellerslie yn Rheynn Bun-Troggalys ny shlee na tree feed eam, bentyn da thooilley, as hie shey raaidyn er jeigh, kyndagh rish aggle mysh sauçhys.
Va skiooteyryn as skeaybeyderyn er nyn ymmydey mygeayrt yn Ellan dy ghlenney sornaigyn, as dy scughey ram famlagh as dridder elley, va currit stiagh ec ny tonnyn.
Big cleanup after Storm Brian
Infrastructure bosses say a cleanup operation is continuing, after Storm Brian left smatterings of debris around the coast.
Sandbags were deployed for the second time in a week on Friday and Saturday as gale force winds and high waves swept shores, in some cases moving flood water inland.
More thn 60 calls concerning flooding were received by the DOI's Ellerslie Control depot, and six roads were closed on safety grounds.
Jetters and sweeping machines were being deployed around the Island to clear drains and move large amounts of seaweed and other detritus deposited by the waves.