Call for cull of councillors in capital

Eam son giarrey yn earroo dy choonseilee sy phreeu-valley

She Coonseil Valley Corpagh Ghoolish y nah lught-reill ynnydagh syn Ellan vees giarrey yn earroo jeh ny h-olteynyn reiht eck.

As treealtyssyn jeant hannah ayns Purt ny h-Inshey as Balley Chashtal dy leodaghey yn earroo dy pholitickeyryn ynnydagh, bee olteynyn jeh coonseil Ghoolish sursmooinaghtyn harrish y chooish Jecrean (y laa jiu).

Catherine Corlett, ta shassoo son ward Noo Shorys, ver ish treealtys roee dy leodaghey yn earroo dy choonseilee veih hoght-jeig gys daa-yeig.

Agh eer my vees y choonseil coardail rish shen, cha bee yn lheid jeant son tammylt.

Cordail rish treealtys y Choonseilagh Corlett, ragh caglieeyn wardyn y valley er caghlaa neesht, as y lught-reill ynnydagh giarrey shey olteynyn.

My vees niart currit rish y treealtys as my vees eh coardit, yinnagh Bing Heckteragh y choonseil yn eie y ronsaghey, as verragh ee briwnys ayns Jerrey Souree.

Agh eer my vees y ving pohlldal y caghlaa, shegin treealtyssyn goll gys y Rheynn Bun-Troggalys - as ny lurg shen veagh aavriwnys as brialtys jeant roish my beagh Tinvaal votal mychione ny plannyn.

Ny yeih shen, my vees y Conseilagh Corlett geddyn y pohlldal t'ee feme, oddagh ny caghlaaghyn ve jeant roish my jed y theay dy votal ayns ny reihyssyn ynnydagh ayns Mee Averil 2016.
 

Call for cull of councillors in capital

Douglas Borough Council is the latest local authority in the Island to cut the number of its elected members.

With moves already underway in Peel and Castletown to slim down the number of local politicians, council members are set to consider the issue in the capital on Wednesday (today).

Catherine Corlett, who represents St George's, will propose slashing the number of councillors from 18 to just 12.

But even if the council gives the go-ahead, it'll be some time yet until any such moves are made.

Under Councillor Corlett's motion, the borough's ward boundaries would also be redrawn as the local authority cuts six members.

If the motion is seconded and approved, the council's Executive Committee would look into the idea and report back in July.

But even if the committee gives its backing to the revamp, proposals would have to go to the Department of Infrastructure - there'd then be a review and inquiry before Tynwald votes on the plans.

However, if Councillor Corlett receives the backing she needs, the changes could be made by the time the public goes to the polls in local authority elections in April 2016.