On Air Night Flight | Midnight - 6:00am

Department of Infrastructure minister moved to Enterprise in 'mini re-shuffle'

Shirveishagh Bun-troggalys scughit gys Gastid Dellal ayns 'myn-aa-vestey'

Currym noa er Tim Crookall

Ta shirveishagh bun-troggalys noa ec Ellan Vannin, lesh bree chelleeragh [Jemayrt 14 Mean Souree], lurg 'myn-aa-vestey'.

Ta Chris Thomas goaill ersyn yn oik lurg da Tim Crookall ve scughit gys yn Rheynn Gastid Dellal.

Dooyrt yn Ard Shirveishagh Alfred Cannan: "She my haittin eh dy vel Tim Crookall as Chris Thomas er hoiaghey jeh ny oikyn scanshoil shoh as t'ad neesht cur-lesh mooarane keeayl chionnit jeh ve nyn shirveishee.

"Bee'm bwooiagh oltaghey Chris Thomas reesht gys Coonceil ny Shirveishee. Ta obbyr mooar roish, agh ta barrant aym er dy vel shin rheynn co-ashlish jeh Rheynn Bun-Troggalys  as focus smoo echey as bee'm booiagh obbraghey liorish dy livrey rere yn ashlish shen.

"Ta Tim Crookall er n'yannoo job firrinagh as nee eh faagail undin lajer ec yn Rheynn Bun-Troggalys er oddys Chris Thomas troggal. 

"Bee doolane noa fo nish lesh yn Rheynn Gastid Dellal agh nee eh cheet stiagh ayns fwirran lajer dy chur er oaie yn cummey lesh jantyssyn as ta mee booisal da son yn phohlldal shassooagh echey bentyn da Plan yn Ellan ain."

Ren Mnr Thomas shirveish myr yn Shirveishagh Polasee as Aa-Chummey eddyr 2016 as 2020 – nee eh freayll rish ve caairlagh y Voayrd son Thieys as ny Co-Voodeeyssyn.

Agh t'eh girree ass myr caairlagh Oik Postagh Ellan Vannin myr eiyrtys jeh shoh.


New role for Tim Crookall

The Isle of Man has a new infrastructure minister, with immediate effect, following a ‘mini re-shuffle’.

Chris Thomas is taking up the post after Tim Crookall was moved to the Department for Enterprise.

Chief Minister Alfred Cannan said: “I am delighted that Tim Crookall and Chris Thomas have accepted these important positions and both bring with them considerable ministerial experience.

“I am looking forward to welcoming Chris Thomas back to the Council of Ministers. There is a significant task in front of him, but I am confident that we share a common vision for a more focused Department of Infrastructure and I look forward to working alongside him to deliver on that vision.

“Tim Crookall has done a sterling job and will leave a strong platform at the Department of Infrastructure for Chris Thomas to build on.

“He will now face a new challenge with the Department for Enterprise but he will join a strong team to move the agency model forward and I am grateful for his steadfast support of our Island Plan.”  

Mr Thomas served as the Policy and Reform Minister between 2016 and 2020 – he will continue to chair the Housing and Communities Board.

However he is standing down as the chair of the Isle of Man Post Office as a result.

More from Manx Gaelic