On Air Night Flight | 1:00am - 6:00am

Economic strategy about jobs, not big business says Cannan

Strateish tarmaynagh mychione startaghyn, cha nee mychione dellal mooar ta Cannan dy ghra

Costys er conaant KPMG gyn soilshaghey magh foast

Ta'n shirveishagh tashtee gra dy vel lhiasaghey strateish tarmaynagh son y traa ry heet goll er jeeraghey er gientyn startaghyn, as cha nee er dellal mooar.

Ta faill er ve currit da KPMG liorish y reiltys dy lhiasaghey plan 'queig gys jeih bleeaney' myr ayrn jeh claare s'lhea post-Covid.

Bee mynphoyntyn jeh'n chonaant currit da'n cheshaght coontysseyrys jeh ny 'Kiare Mooarey' ry gheddyn ec Tinvaal 'dy moghey 'sy traa heet'. 

Ta Alfred Cannan gra dy vel feme er keeayl chionnit eddyr-ashoonagh ny fir choyrlee dy lhiasaghey y plan shoh, agh t'eh shassoo er dy bee cleaysh currit da barelyn veih dy chooilley ard.

AS ALFRED CANNAN : Er lhiam dy vel bun mie ain jeh thieyn dellal soit dy fondagh ayns shoh 'syn Ellan. Ta roshtynys mie eddyr-ashoonagh ain. Ta palchey reamys ain er-nyn-son dy lhiasaghey. Dy dooghyssagh, ta tradishoon ain t'er ve ayn rish foddey jeh'n jeadys ynnydoil ain bentyn rish ny ta shin chebbal 'sy turryssid, as fir er lheh as sleih cleaynit gys yn Ellan. Er-lhiam dy vel traa lajer ry heet ain nish bentyn rish ny caaghyn nee cur ablid dooin dy lhiasaghey y traa ry heet ain vees ry chummal seose trooid jeadyssyn glassey as chagnoaylleeaght glass, as er-lhiam dy vel eh orrin troggal magh as lhiasaghey ny jeadyssyn smoo tradishoonagh ain as cur lesh ad er oai as cooney lesh cur lesh ad er oai ayns lhing vees gaase jeh yrjaghey chagnoaylleeagh.

 

Cost of KPMG contract not yet revealed

The treasury minister says the development of a future economic strategy is focused on creating jobs, and not on big business.

KPMG has been hired by government to develop a 'five-to-ten year' plan as part of wider, post-Covid recovery programme.

Details of the contract awarded to the 'Big Four' accounting organisation will be made available to Tynwald 'in the near future'.

Alfred Cannan says the consultants' international experience is needed to develop this plan, but insists views from all quarters will be heard:

More from Manx Gaelic