Potecaree: 'Geurey s'creoi' rieau roin
Shappyn potecaree gennaghtyn preays jeh bishaghey ayns chingyssyn geuree
Ta potecaree er n'insh da Radio Vannin dy row y geurey shoh er ve yn fer s'creoi va rieau roish e wirran.
S'ard ta'n aggyrt er shappyn potecaree er coontey bishaghey ayns chingyssyn geuree as cooishyn bentyn da gennidyn dy obbreeyn.
Ta sleih gra dy vel shirveish claynt yn Ellan ayns 'stayd feer doillee' lesh Kiarail Vannin greinnaghey sleih dy reih dy mie tra t'ad shirrey cooney lhee.
She Mukunda Measuria ta'n potecaree oaseiragh ayns Karsons:
AS MUKUNDA MEASURIA : Ta shin er ve goaill tastey jeh, neayr's y Nollick as y Vlein Noa, as she dooghyssagh eh choud's ta cruinnaghtyn taghyrt as ta sleih cheet ry cheilley, dy jean oo geddyn bishaghey as mullagh doaltattym ayns monnaghyn jeh mughane as flu, sleih surranse. Ta mee jerkal rish tannaghtyn ayn rish shiaghtin ny ghaa son shickyrys, as nee mayd goaill ayns laue eh as cur rish cho mie as oddys mayd. Er-lheh y geurey shoh, she'n geurey s'creoi va rieau roin son shickyrys, as ta dy chooilley pheiagh jeant skee as ceaut. Agh ta dy chooilley pheiagh freayll rish cheet back er yn oyr dy vel paart ain dy chooilleeney.
Pharmacies feeling strain of increase in winter illnesses
A pharmacist has told Manx Radio this winter has been the hardest his team has ever faced.
Demand on pharmacies is high due to an increase in winter illnesses and issues with staff shortages.
The Island’s health service is said to be in a ‘really tricky situation’ with Manx Care urging people to choose well when seeking medical assistance.
Mukunda Measuria is the superintendent pharmacist at Karsons:
Traa dy Liooar, 8oo Mee Averil 2024
