Post Office closure 'a real threat' to Port St Mary retail

Dooney Oik Postagh 'ny vaggyrt rieugh' er myn-chreck Phurt Le Moirrey

OCFyn Rushen cur eam son chyndaa-u

Bee dooney Oik Postagh Phurt le Moirrey 'ny vaggyrt rieugh' er myn-chreck ve 'sy valley beg cheerey.

Shen yn imnea ec Olteynyn yn Chiare as Feed son yn ard lurg da ve fogrit magh dy jean y seyraad dooney ny s'anmee 'sy vee shoh.

Ren y boayrd cummal oardagh cheb dy gheddyn fo-vainshtyr post noa, agh cha cheb erbee ry gheddyn.

Ta Juan Watterson gra dy jean y caghlaa shoh jannoo doillee dellal son shappyn ynnydoil.

AS JUAN WATTERSON : Shoh aker feer y phurt, bentyn rish y vyn-chreck t'er leodaghey neayr's ny Nuy Cheead Jeig as Shiaghtadyn. Shoh yn boayl foddee sleih goll dy gheddyn yn argid roie oc son ny femeyn oc. My vees oo goaill ersooyl yn oik postagh raad ta sleih geddyn yn argid oc, eisht ta ourys orrym dy jig eiyrtys tuittymagh er y photcaree, er y folteyr as er y Cho-op, ta ny buill raad va sleih eisht ceau eh, chammah's er dellal y happ pabyr-naight hene. Myr shoh, my vees yn oik postagh goll, er-lhiam dy bee shen ny vaggyrt rieugh er myn-chreck ve ayn ayns Purt le Moirrey er chor erbee.

Ta'n Doctor Michelle Haywood shassoo er dy vel aggyrt ec y theay son yn chirveish.

AS MICHELLE HAYWOOD : Er-lhiam dy vel eulys erskyn ooilley er ve 'sy cho-voodeeys, as neu-chosoyley rish y cheayrt s'jerree tra v'ad loayrt mychione ny shirveishyn cha nel coloayrtys rish y theay er ve ayn. Ayns firrinys, cha ren yn oik postagh y cheayrt s'jerree cummal coloayrtys rish y theay, she Barrantee Purt le Moirrey ren eh, as she chaglym as ymmodee sleih v'ayn, as dod oo fakin dy baghtal dy- row aigney y theay er-e-hon dy hannaghtyn ayn.

Rushen MHKs call for u-turn

The closure of Port St Mary Post Office will be a 'real threat' to any retail presence in the village.

That's the concern of the area's Members of the House of Keys after it was announced the facility will close later this month.

The board held a tender process to find a new sub-postmaster, but no bids were received.

Juan Watterson says the move will make trading difficult for local shops:

Dr Michelle Haywood insists there is public demand for the service: