On Air Holiday Music Mark Burrows | 10:00am - 2:00pm

Island could need 20 new nursing homes

Oddagh Ellan feme 20 thie boandyrys noa

Pobble cheet dy ve shenn goll er resooney magh ayns Bing Aa-Scrutee er Polasee

Ta'n Ard Shirveishagh er chur fou dy voddagh yn Ellan feme whilleen as feed thie boandyrys noa ayns ny feed blein shoh cheet.

She pobble Vannin ta cheet dy ve ny shinney va'n ard chooish son resooney magh Jelune (26oo Mee Vayrt), choud's va'n Ving Aa-Scrutee er Polasee Tarmaynagh geaishtagh rish feanish loayrt veih chaghteryn yn reiltys ayns Shamyr y Choonceil Slattyssagh.

Haink Howard Quayle er yn traa echey myr yn Shirveishagh Slaynt, tra va faaishnys jeant dy beagh feme er nuy thieyn kiarail noa dy ve freggyrtagh da'n aggyrt va gyrjaghey.

Agh nish ta Mnr Quayle credjal dy voddagh yn earroo shen ayns rieughid ve foddey ny syrjey.

AS MNR QUAYLE : Yeeagh shin er y phobble dy leih erskyn 65, as s'mooar va'n bishaghey 'sy cheead ayns ny feed blein shoh cheet, as veagh feme ain er nuy thieyn boandyrys elley jeh'n wooadys er mean son lhiabbeeyn, dy ve freggyrtagh da'n eme shen. As cha nee shen ynrican eh: bee paart jeh'n sthock t'ayn nish feme bun-argid dy liooar baiht my vees ad dy hannaghtyn lesh dellal, er-yn-oyr dy bee feme oc er sheeyney magh mooadys ny shamyryn, tooilley seyraadyn en-suite. As myr shoh, oddagh shiu ve jeeaghyn er mysh feed thie boandyrys noa ayns ny feed blein shoh cheet.

 

Island could need 20 new nursing homes

Ageing population discussed at Policy Review Committee

The Chief Minister has suggested the Island could need as many as twenty new nursing homes in the next twenty years.

An ageing Manx population was a key theme of discussions on Monday (26th March), as the Economic Policy Review Committee took oral evidence from representatives of government in the Legislative Council Chamber.

Howard Quayle referenced his time spent as Health Minister, when it was predicted nine new care homes could be required to satisfy growing demand.

But now Mr Quayle believes that number could in fact be far higher.

 

 

More from Manx Gaelic