On Air After Hours Dave Moore | 10:00pm - Midnight

Island must 'more or less accept' Brexit terms

Shegin da'n Ellan goaill ny vees coardit lurg Brexit, 'beg ny mooar'

Ta tuarastyl reiltys noa gra dy re neuvaghtal foast ny vees jannoo er yn Ellan lurg Brexit.

T'eh gra dy vel shin fo smaght y phooar barganey er y chooid smoo.Shoh yn chied tuarastyl veih Coonseil ny Shirveishee ta cur fysseree seose gys daayt lurg y refrane ayns Mean Souree.

Y Trass Tuarastyl Eddyr Lhing veih Possan Coyrlee Choonseil ny Shirveishee, t'eh gra dy vel y chooish 'çheu-mooie smaght Vannin'.

As t'eh gra neesht dy noddagh reddyn oddagh taghyrt sy traa ry-heet ve ny sloo na jarrooagh.Ny boiraghyn mooarey, t'ad coayl foays ayns dellal, kianglaghyn arraghey, as roshtyn margaghyn-obbree joarree - as ec y traa cheddin geddyn veg jeh ny vondeishyn smooint jeh ardreeriaght smoo as toyrtyssyn sloo da'n Unnaneys Oarpagh, chleayn ny shlee na shiaght millioon jeig voteyryn 'Faag' ayns Mean Souree.

Ta'n tuarastyl faaishnaghey dy bee faagail yn Unnaneys Oarpagh jannoo er keeshyn marrey as keeshyn sthie, eirinys, arraghey stiagh as ashoonaght er aghtyn scanshoil.

Yinnagh shen 'baarnaghyn' ayns leigh Vanninagh begin lhieeney cho leah as veagh y commeeys ain lesh yn Unnaneys Oarpagh çheet gys jerrey.

Ta'n reiltys cummal seose e hassoo dy vel yn Ellan geearree goll er-oi lesh dellal seyr ayns cooid as shirveishyn as - my vees shen ry-gheddyn - arraghey seyr dy leih marish yn Oarpey.

Agh chammah as shen, t'eh goaill rish dy nhegin dooin  soiaghey jeh 'beg ny mooar' ny vees barganeit ec y Vretyn Vooar jee hene lurg feed cheead as shiaght-jeig, kyndagh rish cummal reaghyssyn-faagail femoil lesh y Reeriaght Unnaneyssit.


Island must 'more or less accept' Brexit terms

A new government report says it's still unclear how Brexit will affect the Island - but that we are largely at the mercy of the negotiating power.

It's the first official update from the Council of Ministers since June's referendum. 

The Third Interim Report from CoMin's EU Advisory Group opens stating 'this is beyond the control of the Isle of Man' - but its projections for what could be in store are less than positive.

The main concerns are losing out on trade, transport links and access to foreign labour markets - all the while reaping none of the perceived rewards of greater sovereignty and reduced budget contributions, that persuaded over 17 million Leave voters in June.

The report predicts a significant impact on customs, agriculture, immigration and nationality, resulting in 'gaps' in Manx law which will need to be filled once our relationship with the EU ends.

Government upholds its stance that the Island wants to continue free trade in goods and services, and if possible the free movement of people, with Europe.

But it also acknowledges that retaining crucial exiting arrangements with the UK will mean we must 'more or less accept' what Britain negotiates for itself beyond 2017.

More from Manx Gaelic