On Air Sundown Judith Ley | 9:00pm - 1:00am

MHK calls for more affordable homes

Oltey yn Chiare as Feed shirrey tooilley thieyn fordrailagh

Imnea ec Callister er plan son Connaghyn

Ta Oltey yn Chiare as Feed ass-lieh Connaghyn credjal dy vel feme er troggal tooilley thieyn fordrailagh ayns hiar yn Ellan.

Er-lesh Rob Callister dy vel Plan Ard y Hiar ayns draghtey goaill stiagh rour thieyn noa, agh nagh vel corrillagh dy liooar jeusyn er-nyn-son ta'n Reiltys geearree cleayney stiagh 'syn Ellan.

T'eh boirit neesht mychione yn eiyrtys oddys ny lhiasaghyn noa cur er traaght as scoillyn 'syn ard.

Ren yn OCF cummal chaglym 'sy rheynn reihyssagh echey y kione shiaghtin shoh chaie dy chur caa da cummaltee ynnydoil fakin ny plannyn as cur feyshtyn.

Ta'n plan coyrlaghey dy lhisagh y kerroo ayrn dy hieyn noa ve fordrailagh, agh er-lesh Mnr Callister nagh vel shoh jannoo seose percentage ard dy liooar.

AS ROB CALLISTER : Rere Plan Ard y Hiar, t'eh gra dy bunneydagh dy begin da 25% ny ny smoo jeh, abbyr, hoght thieyn ny ny shliee jannoo seose thieys fordrailagh. Dy persoonagh, ta mee gennaghtyn dy vel yn earroo shen foddey ro injil, as er-lhiam, my vees shin dy chleayney fir aegey phrofeshoonagh gys Ellan Vannin, dy vel feme ain er troggal thieyn feer vie dy jarroo jeh mieys, as thieyn fordrailagh, rish mysh ny jeih bleeaney shoh cheet. 

 

Callister has concerns over Onchan plan 

An Onchan MHK believes more affordable homes need to be built in the east of the Island.

Rob Callister thinks the Draft Area Plan for the East includes too many new dwellings, but not enough for those the Government wants to attract to the Island.

He's also worried about the impact new developments could have on traffic and schools in the area.

The MHK held a constituency meeting last weekend to give local residents a chance to see the plans and ask questions.

The plan suggests a quarter of new homes should be affordable, but Mr Callister doesn't think this is a high enough percentage:-
 

More from Manx Gaelic