On Air After Hours Rhian Evans | 10:00pm - Midnight

MHK slams lack of consultation on Harbours Strategy

Oltey yn Chiare as Feed cremmey genney dy choyrle er Strateysh ny Puirt

Robertshaw gaccan mychione ymmyrkey Coonceil ny Shirveishee

'Mee-reggyragh, neu-chiart as cur er-shaghryn', shen yn aght ta fer jeh Olteynyn yn Chiare as Feed er chur coontey jeh Strateysh ny Puirt ayns Tinvaal fastyr Jemayrt (20oo Mee Vayrt).

Hug yn Shirveishagh Bun-Troggalys Ray Harmer roish treealtys dy row y Whaiyl coardail rish y docmaid, ta goaill stiagh plannyn son shalee er £80 millioon son Purt Ghoolish as obbyr ayns puirt elley yn Ellan.

Ta Oltey yn Chiare as Feed ass-lieh Doolish Hiar, Chris Robertshaw, er chur fou hannah dy vel yn strateysh er ve currit er y hoshiaght gyn coyrle, as t'eh er hannaghtyn lesh e chremmey ayns Tinvaal.

Dinsh eh da olteynyn nagh voddagh Coonceil ny Shirveishee eer coardail er lane-sym son ny plannyn.

AS MNR ROBERTSHAW : Ta goan theayagh liorish yn Chirveishagh Bun-Troggalys chammah's liorish yn Ard Shirveishagh er ve, er y gherrid, neu-chiart ayns aght scammyltagh as imneagh. Cha nod ad ny neesht jannoo ymmyd jeh ny earrooyn neu-chiart cheddin. T'ad jannoo ymmyd jeh caghlaaghyn earroo neu-chiart, ta bunnys oyr son garaghtee. Shegin da'n theay gyn ve currit rish 'syn aght feer vee-arrymagh shoh.
As moghrey jiu v'eh jeant eer ny smessey. Ta sorch ennagh dy chaggey quaagh theayagh dy hebbal eddyr yn Shirveishagh Bun-Troggalys as yn Ard Shirveishagh mychione cre cho costallagh ta'n red elley shoh, nagh vel shin er vyn-vrishey dy chiart, costal ayns rieughid. Ghow eh toshiaght ec £80 millioon, as haink yn Ard Shirveishagh stiagh ayns ny meanyn lesh cheb £100 millioon, as nish t'eh £150 (millioon). Vel ardjee erbee er shen?

MHK slams lack of consultation on Harbours Strategy

Robertshaw bemoans CoMin approach

'Irresponsible, inaccurate and misleading' is how one MHK has branded the Harbours Strategy in Tynwald on Tuesday afternoon (20 Mar).

Infrastructure Minister Ray Harmer moved that the Court approves the document, which includes plans for an £80 million pound project for Douglas Harbour and work on other Island ports.

East Douglas MHK Chris Robertshaw has already suggested the strategy had been advanced without consultation, and has continued his criticism in Tynwald.

He told members the Council of Ministers couldn't even agree on a figure for the plans: 

More from Manx Gaelic