On Air The Opera Hour Ernie Thorn | 9:00pm - 10:00pm

Mental health improvements needed to 'stem exodus' of teachers

Feme er foayssyn er slaynt inchynagh 'dy chur sthap er exodus' dy fir ynsee

Sheshaght cheirdey cur eam er rheynn ynsee dy yannoo red ennagh

Cha bee ablid ec fir hoshee ynsee 'dy chur sthap er exodus' dy fir ynsee faagail y cheird mannagh vel tooilley er ny yannoo dy hareaghey yn slaynt inchynagh oc.

Shen yn aggle ec un cheshaght cheirdey ynsee lurg da aghin rere Seyrsnys Fysseree soilshaghey magh dy row ny shlee na 3,500 laa obbree caillt 'syn Ellan 'sy vlein academoil shoh chaie – bishaghey jeh ny shlee na 1,000 cosoyley rish yn daa vee jeig roish shen.

Ta Geraldine O'Neill jeh Sheshaght Ashoonagh ny Mainstyryn Scoill, Sheshaght Cheirdey ny Mraane Ynsee gra dy vel faill, staydyn as erraghyn obbyr ooilley chionney er fir ynsee.

T'ee geearree fakin yn Rheynn Ynsee, Spoyrt as Cultoor goaill ayns laue yn chooish.

AS GERALDINE O'NEILL : Chammah's ec eash saa, er yn oyr nagh vod sleih fordrail dy chummal ayns shoh, as ny preaysyn ta shen cur er y claynt inchynagh oc, as eisht neesht ta fir ynsee Vanninagh aegey ain nagh vod goaill vondeish jeh ny reddyn as foddee adsyn vees cheet gys yn Ellan, as ayns shen neesht yn preays nagh vod ad fordrail dy chionnaghey thie ayns shoh. Myr shoh ta shen oyr son preays er slaynt inchynagh neesht.

Ayns rieughid she slane reayn dy chaghlaaghyn cooish ta jannoo yn preays shoh, er-lhiam: errey obbyr, faill as y pandemagh. 

 

Union calls for education department to take action

Education bosses won't be able to 'stem the exodus' of teachers leaving the profession if more isn't done to improve their mental health.

That's the fear of one teaching union after a Freedom of Information request revealed more than 3,500 workdays were missed on the Island in the last academic year - a rise of more than 1,000 compared to the previous 12 months.

Geraldine O'Neill from the National Association of Schoolmasters, Union of Women Teachers says pay, conditions and workloads are all causing stress for teachers.

She wants to see the Department of Education, Sport and Culture tackle the issue:
 

More from Manx Gaelic