On Air Greatest Hits Mike Reynolds | 6:30pm - 9:00pm

No replacement TT scoreboard for 2023

Gyn boayrd skensh yn TT noa son 2023

Cha nee'n traa kiart eh dy cheau sym shiaght-earrooagh er boayrd skensh noa, shirveishagh dy ghra

Nish cha nee'n traa kiart eh dy cheau sym shiaght-earrooagh er boayrd skensh noa son yn TT.

Shen yn chaghteraght veih'n Shirveishagh Gastid Dellal Lawrie Hooper, t'er veeraghey nagh bee fer noa ayns ynnyd y henn voayrd skensh aarloo son ratchyn 'sy vlein 2023.

Va'n eear voayrd er Raad Glion Chruitcheree er ny lhieggal lurg da ve feddynit dy ve ayns stayd dy ghrogh-oardrailys, lesh taishbynyssyn shallidagh troggit son yn taghyrt mleeaney.

Lesh tooilley reihyn bun-earrooagh nish ry gheddyn ec fir jeean, cha nel Mnr Hooper shickyr vel yn chummey t'ayn nish yn fer kiart.

AS LAWRIE HOOPER : Jeeaghyn er ny preayssyn neu-hickyr er y chlaare argidoil bentyn rish reaghey y TT as  bentyn rish spoyrt jeshaght dy cadjin, lesh y doolane neesht jeh'n chostys bea fo ymmodee cummaltee yn Ellan, er-lhiam, er-coontey y chostys shiaght-earrooagh, dy lhisagh cumrail ve currit er troggal boayrd skensh noa y TT derrey lheid yn traa as foddee argid ve currit er-e-hon dy cooie. Dy mee-aighar, shoh dy ghra nagh bee fer elley beayn ayns ynnyd jeh boayrd skensh y TT jeant aarloo son TT 2023.

Ta feysht dy jarroo mychione, ayns rieughid, vel feme ain er red ennagh jeh'n wooadys shen, 'sy traa ry heet. Dy firrinagh cha s'aym's er yn ansoor da shen.

 

Not the right time to spend seven-figure sum on new scoreboard, says minister

Now isn't the time to spend a seven-figure sum on a new scoreboard for the TT.

That's the message from Enterprise Minister Lawrie Hooper, who's confirmed a replacement for the old scoreboard won't be ready for 2023's races.

The previous board on Glencrutchery Road was demolished after being found to be in a state of disrepair, with temporary displays put up for this year's event.

With more digital timing options now available to fans, Mr Hooper isn't sure if the current design is the right one:
 

More from Manx Gaelic